ທີມງານ ສະມາຄົມ ເພື່ອການສະໜັບສະໜູນ ແລະ ປັບປຸງຊົນນະບົດ (ສພປ) ຮ່ວມກັບ ທີມງານ ອົງການແຄຣິຕັສ ລຸກຊໍາບວກ ປະຈໍາລາວ ໄດ້ໄປຢ້ຽມຢາມຄອບຄົວ 1000 ວັນ ແລະ ຄອບຄົວທີ່ມີເດັກລຸ່ມ 5 ປີ, ສາທິດປຸງແຕ່ງອາຫານເພື່ອໂພຊະນາການ ຮ່ວມກັບຫົວຫນ້າກຸ່ມສົ່ງເສີມແມ່ຍິງຂັ້ນບ້ານໃນເດືອນ ກັນຍາ 2023 ທີ່ຜ່ານມາ.
ພະນັກງານຕິດຕາມຫຼັກໃນຄັ້ງນີ້ແມ່ນວິຊາການຂອງ ສະມາຄົມເຄື່ອຂ່າຍຜູ້ຕິດເຊື້ອ ເຮັສໄອວີ/ເອດ ທີ່ໄດ້ຮັບທຶນຍ່ອຍສະໜັບສະໜູນການຈັດຕັ້ງປະຕິບັດກິດຈະກຳໂພຊະນາການຂັ້ນຊຸມຊົນ. ລວມທັງໝົດມີ 4 ບ້ານເປົ້າໝາຍໃນເມືອງໄຊຈໍາພອນ, ແຂວງບໍລິຄໍາໄຊ.
ຈຸດປະສົງແມ່ນເພື່ອເສີມທັກສະວິຊາການດ້ານໂພຊະນາການກ່ຽວກັບພຶດຕິກຳ ແລະ ການປະຕິບັດດ້ານໂພຊະນາການໃນການຕິດຕາມຈະເລີນເຕີບໂຕຂອງເດັກ ແລະ ການກິນອາຫານທີ່ຖືກຫຼັກໂພຊະນາການຂອງໄວໜຸ່ມ ແລະ ແມ່ໄວຈະເລີນພັນຂອງຊີວິດ, ໃຫ້ກັບຫົວໜ້າກຸ່ມສົ່ງເສີມແມ່ຍິງຂັ້ນບ້ານ ເພື່ອນຳພາສະມາຊິກແມ່ຍິງໃນຊຸມຊົນປະຕິບັດກິດຈະກຳປັບປຸງດ້ານໂພຊະນາການ ແລະ ການປ່ຽນແປງພຶດຕິກຳດ້ານໂພຊະນາການໃນຊຸມຊົນໃຫ້ດີຂຶ້ນ.
