ຝຶກອົບຮົມເຕັກນິກການກວດກາລາດຕະເວນໃຫ້ກັບຄະນະກຳມະການຄຸ້ມຄອງປ່າໄມ້ບ້ານ ຢູ່ 5 ບ້ານເປົ້າໝາຍ ທີ່ເມືອງດາກຈຶງ
ແຜນງານສົ່ງເສີມການສ້າງຕັ້ງເຂດສະຫງວນ ແລະ ການນໍາໃຊ້ຊັບພະຍາກອນທໍາມະຊາດແບບຍືນຍົງ (NTFP) ຈັດຕັ້ງປະຕິບັດຢູ່ 5 ບ້ານໃນ ເມືອງດາກຈຶງ, ແຂວງເຊກອງ, ໄດ້ຮັບທຶນຈາກ ອົງການຟາສເຕັນແອັກຊັນ, ມີຄູ່ຮ່ວມງານຈາກພະແນກກະສິກຳ ແລະ ປ່າໄມ້ ແຂວງເຊກອງ. ເພື່ອປັບປຸງສະພາບການດໍາລົງຊີວິດຂອງຊຸມຊົນໃນເຂດປົກປ້ອງທີ່ມີເປົ້າໝາຍເພື່ອການຄຸ້ມຄອງຊັບພະຍາກອນ ທໍາມະຊາດແບບມີສ່ວນຮ່ວມແບບຍືນຍົງ.
9/13/20231 min read
ເນື່ອງຈາກທີ່ຜ່ານມາ, ປະຊາຊົນທີ່ອາໄສຢູ່ເຂດຫ່າງໄກຕົວເມືອງ ແລະ ໃຊ້ຊີວິດຕິດພັນກັບທຳມະຊາດ ເຂົາເຈົ້າເຄີຍທຳມາຫາກິນຈາກທໍາມະຊາດ ແລະ ຊົມໃຊ້ເຄື່ອງປ່າຂອງດົງ, ມີຫຼາຍຄອບຄົວທີ່ເຮັດໄຮ່ ແລະ ເຮັດສວນແບບເລື່ອນລອຍ ໂດຍບໍ່ໄດ້ຄຳນຶງເຖິງຜົນເສຍຫາຍ ຫຼື ຜົນກະທົບທີ່ຈະເກີດຂື້ນຈາກໄພທຳມະຊາດ ເຊິ່ງມັນເຮັດໃຫ້ເຄື່ອງປ່າຂອງດົງຄ່ອຍໆຫຼຸດລົງ. ດັ່ງນັ້ນ, ພວກເຮົາຈຶ່ງສະໜັບສະໜູນ ແລະ ສົ່ງເສີມໃຫ້ກຸ່ມເປົ້າໝາຍ ໂດຍສະເພາະກໍ່ແມ່ນ 5 ບ້ານໃນ ເມືອງດາກຈຶງ ໄດ້ປະກອບສ່ວນໃນການປົກປັກຮັກສາ ແລະ ຄຸ້ມຄອງເຄື່ອງປ່າຂອງດົງໃຫ້ມີຄວາມຍືນຍົງ.
ໃນລະຫວ່າງວັນທີ 28-31 ສິງຫາ 2023, ພວກເຮົາໄດ້ຊຸກຍູ້ໃຫ້ກຸ່ມເປົ້າໝາຍ 15 ຄອບຄົວ ຢູ່ ບ້ານດາກຕະອອກນ້ອຍ ປູກຂ່າປ່າ ແລະ ຂ່າໂຄມ ທັງໝົດຈຳນວນ 8,000 ເບ້ຍ ເພື່ອສະໜັບສະໜູນໃຫ້ເຂົາເຈົ້າໄດ້ມີອາຊີບ, ສ້າງລາຍຮັບໃຫ້ກັບຄອບຄົວ ແລະ ຍັງເປັນການປະກອບສ່ວນໃນການຮັກສາເຄື່ອງປ່າຂອງດົງໃຫ້ຍືນຍົງອີກດ້ວຍ.
![](https://assets.zyrosite.com/cdn-cgi/image/format=auto,w=1115,h=793,fit=crop,trim=0;14.499115044247787;0;14.499115044247787/AzGObBMEjjIxvQNj/ntfp-12-9-23-d95D13wwx1TOkGO3.jpg)
![](https://assets.zyrosite.com/cdn-cgi/image/format=auto,w=309,h=213,fit=crop,trim=13.244239631336406;0;13.244239631336406;0/AzGObBMEjjIxvQNj/ntfp-12-9-23-d95D13wwx1TOkGO3.jpg)
ຊ່ອງທາງການຕິດຕາມ
House No.046/05 , Vilay Road
Sounantha Village, Kaysone City,
P.O.Box:1133, Savannakhet Province, Laos
Tel/Fax: (856-41) 252717 E-mail: info@armi.la