ປະຊາຊົນ 89 ຄົນ ໄດ້ຮັບວັກຊີນປ້ອງກັນພະຍາດໂຄວິດ-19 ທີ່ບ້ານອາປອກ ແລະ ບ້ານ ສາງພູ ເມືອງນອງ ແຂວງສະຫວັນນະເຂດ.

ການສັກຢາວັກຊີນປ້ອງກັນພະຍາດໂຄວິດ-19 ຍັງຖືວ່າແມ່ນມີຄວາມສຳຄັນ, ການຮັບຮູ້ ແລະ ເຂົ້າເຖິງ ຂອງປະຊາຊົນໃນເຂດຊົນນະບົດຍັງຈຳກັດ, ພວກເຮົາ ສະມາຄົມ ສປພ ຮ່ວມກັບ ທີມງານແພດເຄື່ອນທີ່ ໄດ້ໃຫ້ບໍລິການວັກຊີນປ້ອງກັນພະຍາດໂຄດວິດ-19 ແລະ ຮອບປົກກະຕິ ພ້ອມທັງໂຄສະນາກ່ຽວກັບຜົນດີຂອງຢາສັກຊີນ ພາຍໃຕ້ໂຄງການສະໜັບສະໜູນການເຂົ້າເຖິງວັກຊີນ, ປ້ອງກັນພະຍາດໂຄວິດ-19 ຢູ່ໃນ ສປປ ລາວ, ໂດຍຕັ້ງຈຸດບໍລິການຢູ່ທີບ້ານອາປອກ ແລະ ບ້ານ ສາງພູ ເຂດໂຮງໝໍນ້ອຍອາສິງ ຜູ້ມາຮັບວັກຊິນໃນຄັ້ງນີ້ ທັງໝົດ 89 ຄົນ (ຍິງ 56 ຄົນ) ປະກອບມີ: ຜູ້ທີມີເປັນພິການ, ຜູ້ມີພະຍາດປະຈຳໂຕ, ຮອບທົ່ວໄປ, ແມ່ຍິງຖືພາ ແລະ ຜູ້ສູງອາຍຸ.